In Nieu-Seeland en Indië is riviere voortaan mense

4 April 2017

Die onvermoë van, eers die Britse en daarna die Nieu-Seelandse regering om die Verdrag van Waitangi na te kom, het gelei tot die sonderlinge besluit om aan die Whanganui-rivier dieselfde regstatus as ‘n persoon gee, berig The Economist.

Volgens die Verdrag van Waitangi, wat in 1840 onderteken is, gee die inheemse Maori hul soewereiniteit oor aan die Briste kolonialiste. In ruil moes die verdrag die Maories se regte en eiendom beskerm.  Die onvermoë om die verdrag na te kom het daartoe gelei dat die Nieu-Seelandse regering onlangs tot verskeie skikkings moes instem.

Deur aan die Whanganui-rivier regstatus te verleen, sal dit in die toekoms baie makliker wees om regstappe te neem teen enigeen wat omgewingskade aan die rivier rig, aldus die minister betrokke by die projek. Die rivier sal twee voogde hê, een vanuit die regering en een uit die plaaslike Maori-stam.

Die regering sal ook NZ$ 80m betaal vir misbruik en skade wat reeds aan die rivier aangerig is. ‘n Verdere NZ$ 30m is in ‘n fonds gestort om te help omsien na die rivier se toekomstige welstand.

Kort nadat hierdie aankondiging gemaak is het die Indiese regering twee van daardie land se grootste en mees heilige rivier – die Ganges en Yamuna – dieselfde regstatus as persoon gegee. Die hof het ook aan elk van die riviere wetlike “ouers” toegeken om die riviere te beskerm.

In Suid-Amerika het verskeie lande tevore al die soort status en beskerming aan riviere en landskappe toegeken.

Leave a Reply