Bewyse dat tradisionele Stedelikheid hoë digtheid kan onderhou

31 Mei 2018

 Die Franse dorp Saint-Malo is vir baie ’n tipiese Europese dorp ryk aan geskiedenis en sjarme, met keisteenstrate, ‘n fort en middeleeuse uitleg. Tydens die toeriste seisoen is die dorp se gemiddelde bevolkingsdigtheid meer as dubbel dié van stede soos Tokyo en Vancouver, berig ArchDaily.

Aerial view of Saint-Malo

Maar Saint-Malo, aan die Franse noordwes kus, is swaar beskadig tydens die Tweede Wêreldoorlog. Die dorp dateer terug na die eerste eeu vC en kry in 1144  die status van reg tot asiel. Dit het baie mense wat met die gereg gebots het, aangemoedig om eerder daarheen te verhuis – soos die Franse Corsairs (seerowers van die Franse koning).

Saint-Malo

Soos wat die dorp gegroei het, het die muur langs die kuslyn deurlopend ’n sleutelrol gespeel in die bestaan daarvan. Dit is vir die eerste keer in 1940 deur die Nazis binnegeval, toe die Geallieerde magte verkeerdelik gelgo het die Spilmoondhede beskik oor reuse wapenopslag in die dorp. Saint-Malo is swaar gebombaardeer en amper heeltemal vernietig in 1944 – sowat 80% van die dorp is vernietig.

Ná die oorlog is Saint-Malo herbou. Die verskil, verduidelik ArchDaily, is dat dit herstel is om die middeleeuse karakter te behou. In teenstelling met stede soos Warskou en Dresden, wat ook herbou is ná erge skade tydens die oorlog, is daar in Saint-Malo geen ooglopende tekens van moderne bouwerk nie.

Narrow streets of Saint-Malo

Saint-Malo blyk dus ‘n gevallestudie te wees in ‘n tyd toe Europese stede ontwikkel het rondom ‘n middeleeuse deurgangsisteem, toe dit nodig was om te kon stap en die rykstes in die stedelike kern gewoon het.

Tydens die hoogseisoen bied Saint-Malo blyplek aan meer as 200 000 mense. Dit kom neer op ongeveer 57 mense per acre, waar die ooreenstemmende syfer vir Tokyo 25 per acre en 22 per acre vir Vancouver is.

Dit is ‘n les in hoe tradisionele stedelikheid digte bevolkings kan akkommodeer sonder om noodwendig ‘n mega-stad met hoë toringblokke te wees.

Leave a Reply